Kisah Sedih Toraja: Tontongna’ Sa’bara’

Aku Cristo, pia muane Toraya. Dadi sia kapua lan tondok Toraya. Totemo la male na’ lako Mangkasa’ umpatarru pasikolanku belanna lulus mo’ SMA Rantepao. Pamula bitti’ku la morai liu na’ dadi Kapiten Kappala’, iyamoto ku mendaftar dio Kampus Pelayaran, belanna elo’ranna Puang lulus na’ test dio Kampus Pelayaran Negeri dio Mangkasa’.

Bongi totemo ke’de’ mo’ lammai terminal Bolu lako Mangkasa’ umpake oto Pelangi. Iyatonna landi’ tu kandian dulang lan Rantepao, torro mi tu oto belanna den pa misa’ kursi kosong, kursi jo sa’deku tu kosong pa. Kendek mi misa’ pia baine, ma’dokko dio sa’deku na patarru’mi sapiri tu lalan ki lako Mangkasa’.

Nenne’mo’ si kutana sia si tandan te pia baine dio sa’deku. Nita, iyamoto tu sanganna. La male duka umpatarru’ passikolanna lako misa’ Universitas Negeri dio Mangkasa’ belanna lulus test Kedokteran.

Iyatonna ki sae mo lako Mangkasa’ sisara’ mokan, saba’ aku la mentama asrama, na Nita la torro sola tanta na, apa pura mokanni si dandi la sitammu ke den allo libur ki. Tama mo’ asrama Kampus umpamulai peladaran, susi duka to tu Nita napamulai duka mo ma’kulia.

Sang bulan mo lendu’na, ku SMS mi tu Nita ki si tammu dio Pantai Losari. Hi Nita, umba susi tu kulia mi? Oiya Cris, masannang tongan na’ melada’ belanna memang pamula bittikku la morai liu na’ dadi Dattoro’. na kamu iya Cris, umba susi tu kulia mi? wa masannang duka na’ saba’ buda tu peladaran baru sia manenna ku pelada’i. Mudah mudahan mu dadi Kapiten Cris. iyo Nita, mudah mudahan duka mu dadi Dattoro’.

Susi mo to kasitandan ki sola dua, si pakaboro’.
na landi’ mi attung ku ladi Wisuda dadi Perwira Pelayaran. ku undang duka mi tu Nita na sae lan allo kamasannangan ku. Pa’pudian lako puang belanna pa’kamase na lako aku sae lako allo totemo, Wisuda. Salama’ Capten Cristo, masannang na’ tiro ko berhasil. kurre sumanga’ Nita, belanna nenne’ ko umpangandoan na’. apa lan allo kamasannangan ku, den misa’ kada laku parampo tama penammu. apa mo ya to Cris? Nita, pamulanta si tammu, ku porai tu kalemu, pena melo sia pa’ka boro’mu, morai ko raka dadi bayu sangka lamma’ku? Cris, kutandai tu kalemu, misa’ muane kinawa, masannang na’ ke moraiko dadi banua penangku. apa mu tandai Cris, kumua tae’pa ku mangka ma’kulia. Iyo Nita, kukampai ko sae lako mangka ko ma’kulia, apa la male duka pa’ dolo berlayar undaka’ katuoan sia tu ladi pake tama tananan dapo’. Iyo Cris, ku passambayangan ko den upa’ mu tontong lan pa’ka boro’na Puang, ammu sule lako kaleku ta mentama tananan dapo’.

Male mo’ berlayar undaka’ katuoan dio lu tondok na tau, na torro tu Nita umpatarru kulianna.
Sang taun mo lendu’na male ku berlayar, kurangngi karebanna kumua ladi Wisuda mo tu Nita dadi Dattoro’ masannang tongan penangku. Salama’ Dokter Nita, susi to tu SMS ku lako Nita. Iya Cris, kurre sumanga’, mintu’na te belanna pangandoan mu duka lako Puang. iya tonna mangka mo makulia tu Nita, langsung ditarima ma’jama dio misa’ Rumah Sakit do Toraya.
Cris, piran mu sule?
Nita, taun pole’ bulan sangpulo dua kumane bisa Cuti. tontong ko sa’bara’ ungkampai kasuleanku.
Iyo Cris, tontong ko ku kampai belanna iko ri tu lan penaangku
Iyatu Nita misa’ anak tosugi’. Mintu kaparalluanna ma’kulia sae lako dadi Dattoro’ na pasadia nasang ambe’na. iyamoto na dakaran duka mi ambe’na muane sugi’. Lois misa’ pia muane malapu’, sugi’, sia ma’jama dio tambang bulawan. iyamo anak na sangmane na papa’na Nita.

Nita, den mo muane laku pasi tandan ko tu la dadi sang kalamma’mu, Lois sanganna, malapu’ sia ma’jama dio tambang bulawan. Nang la masannang ko ke sibali ko tu Lois.

Apa..? Ambe’,,,! den mo aku muane kusitandan, kinawa sia na kaboro’i na’, Cristo sanganna. Nita, tae’ ku tandai tu muane musanga, apa mora jamanna sugi’ sia moraka? Ambe’..! na mui raka tae’ na sugi’ ke kinawa tu penanna lako aku, totemo ma’jama dio kappala’ dadi Kapiten.

E..Nita, tae’ raka mu tandai kumua iyatu pa’kappala’ buda bainena, pa’tanggaran, sia pangirusan? Ambe’…! tae’na ma’din di papada nasang tu mintu’ tau. tae’ na mintu’ pa’kappala’ susi to tu sipa’na. kinawa iya tu Cris tae’na susi tu mi pokadanna Ambe’.

Nita,,, aku tu pa’kulia ko dadi Dattoro’, lamu perangngina’ belanna melo na te ku pokadangko, kutandai tu Lois, muane kinawa sia sugi na melo jamanna.
Belanna na paksa Ambe’na, sia noka duka tu Nita umpa’dik i penanna ambe’na, natarima mi tu Lois dadi sang kalamma’na, na sibali.
Na landi’mi attunna Cuti tu Cris na sule langngan Toraya umpessitammui Dokter Nita. Cris, Maafkan na’, saba’ kusalai mo tu dandinta, belanna noka na’ umpadikki penanna Ambe’ku, mangka mo’ kemuane sola muane pa’poraianna Ambe’ku.
Umba susi Nita, matumba mu salai tu mintu’ dandinta, umba tu pena melo mu lako kaleku..?

Maafkan na’ Cris, salah mo’ aku.
Nita, lendu’ parannu penangku sule umpessitammui ko. apa, apadadinna totemu, ma pa’dik penangku belanna penggauranmu,
Kutandai kaleku Nita, tannia na’ anak to sugi’, apa ponno tongan tu rannungku lako kalemu, matumbai mu pakdikki na’….?
mu pakarannu rannu na’ apa Tontong na’ sa’bara’ podo ri duka mu masannang sisola pa’poraianna tomatuammu.
Sule na’ sisola pa’dik penaangku.
SEKIAN

Tetap Semangat Capt. kuat seperti batu karang.
Buat para istri, jagalah mutiara kasih itu, untuk dia yang sedang berjuang, demi suatu hari yang bahagia.
*mohon maaf bila ada kesamaan nama
*semua tinggal kenangan

Sumber: Cerita Toraja

Loading...
Updated: 9 November 2018 — 5:07 pm

Tinggalkan Balasan

Alamat email Anda tidak akan dipublikasikan. Ruas yang wajib ditandai *