Kumpulan Lirik Lagu Rohani Toraja Terbaru

Indonesia Terpercaya – Buat kamu pecinta lagu-lagu Toraja, kali ini saya akan membagikan beberapa lirik lagu rohani Toraja. Lagu-lagu ini dihimpun dari beberapa lagu ciptaan penyanyi Toraja. Lagu-lagu tersebut bisa anda nyanyikan di gereja ataupun di ibadah-ibadah insidentil.

Puang Yesu Lalan Kasalamaran

Puang Yesu lalan kasalamaran
Pa tonganni tu Puang ta

Kedikilalai attu katuoan lan lino
Susiri riu tuo dao lu bubungan
Sanggattu’ri anna malayu
Ke naarrangmi allo 
Nairi’ angin pealloan

Susi duka tu kita la ma’rupa tau
Tae’na marendeng tontong saelakona
Yesu lalan kasalamaran
Suruga inan marendeng
Katuoan ponno kasannangan

O Puang perangngimi
Tu mintu’ pengkamoyaki
Puang da’ammi sa’biangankan
Tontong bang kirannuan
Karitutuikan Puang da’ki lumingka sala

Parinayakan Puang belanna mitandai
Kami te tau to malamma
O Puang tunduikan
Mirendenni tu limangki
Tama inan marendeng

Puangki Yesu

Puangki Yesu, Puangki Yesu
Da’Mi sa’biangankan,
da’Mi bela untampekan
Tontong koMI urrondongkan

O Puang Yesu kamaseikan
Inang kamu manna tu Puang
Tu la kinai ma’ passare
Totemo sae lakona

To Mangla Mananna’

Puang mo to manglaa manana’
Ia moto’na tae ku kapu’duran len
Napamamma’na’ dio inan maluna riunna
Nasolan mana’pana’ lako to uai ma’tan

Puang mo balulang toto’ku
Pentilindungku keallo kebongi
Napasakkaranna’ inan lakupotuona
Nakaritutuina’ lako lalan malolo

Moi na malillin parrak kuolai lumingka
kuasanNa Puang tontong urrondongna’
Puang ussandukanna’ sebo’ tu irusanku
Nasa’pi melona’ kamasokananNa
Melo tongan siumpu’ mamaseNa Puang

Pepasan Maindan

Pepasan maindan ludomai Puang Yesu
Male nasang komi umpakarebai
Allo mala’bi’na na bungka’mo Puang
Male komi e siulu’ Yesu mo rondongko

Gamaranna Puang ludomai suruga
tontong bang metamba lako dikaleta
Bungkai tu penammi rangngimi kadanNa Puang
male komi e siulu’ Yesu mo rondongko

Mintu’ kombongan sallo’na male nasang ko messa’bi
Misa’ kada tongan ko ammi sang pessoyan
E, mintu’ to ma’ patongan pabatta’mi tu penanmi
Pabatta’i tu rapummi sia bali tondokmi.

Napasitammu Puang

Tae padanna attu temo
Lendu’ parannunna’ penangku
Napasitammu Puang kalemu na kaleku
E banuanna penangku

Susi duka diona kaleku
E sangkalamma’na penangku
Inang ku kanassai sia kutongananni
Napasitammu ki Puang

Kurre sumanga’ mati’ O Puang
Mintu pa’kamaseMi
Apamora ladi balaranni
Mipapayan tongan Puang
Mintu Pangandoku mati’ kaleMi

Masae allo tanai sikambela
Ma’bulan na ma’taun
Tang sitiro tangla sibayo lindo
Tae tongan ku kapangngi
La napasitammu Puang
Kalemu kaboro

Ta tingayoimi massola dua
Moina buda bombang sirarian
Apa tu mangka na pori Puang
Tae’ nala umpasisarakki ki torro tolino

Pabatta’kan Puang

Puang tukkukan dio oloMi
Sisola mintu’ kamadiongan penangki
Puang perangi tu pangandoki
Tanding talingai tu mintu’ pengkamoyaki

Puang tangpa kulle tongan mokan
Mase-masekan sia makario-riokan
Puang da’mi tiro-tiro kanni
Pakananna’kan ammi tontong ussande’kan

Moina Tumarantan uai matangki
Na bonnong duka tu penangki
Tangla ka’tukan umpellambi’ Komi
Sia umpengkarapai’ komi

Inang lalan penamMi o Puang
Pa’ poraiammi tontong dadi
Podori duka pabatta’kan dikka’
Ki tontong sa’bara’

Pabatta’kan – Salma Margareth

Puang Yesu da’ Mi tampekan
Lan te lino kinani tuo
Susi tu mangka Mipogau’
Tempon dio mai

Lendu’ allo sia lendu’ minggu
Lendu’ bulan kerrangan taun
Buda tu dadi lan te lino
Melo kadake sisonda

Mempala’kan mati Puang
Mangngandokan mati oloMi
O Puang rinding pala’kan
Kibatta’ unnolai matoto’ ullingkai
Katuoan ponno uai mata

Unturu’ Puang Yesu

Puang Yesu la kurutu’
Puang Yesu la kurutu’
Lan katuoanku tontong kuporannu
Kunei ma’passareTontong saelakona
Lan kamasussanku Lan kamasannangan
Puang Yesu tontong la kuturu’

Yesu Jurusalama’ku
Yesu Jurusalama’ku
Lalan kasalamaran dipotete
unnampa’ Kagarrisan kasalan
Dio mai puang mamase
Na baseiki’ rara-Narara mala’bi’ tongan
Puang Yesu iamo jurusalama’ku

Ma’patongan lako Yesu
Unturu’ kadan-Na den tu katuoan
Den tu karongkosan
Kamauparan tontong saelakona

Pa’demo mataku’ku Sia kamagianganku
Moi malilin parrak sia lino masussa
Puang Yesu tontong urrondongna’
Pa’bongianri telino To natimbayo-bayo
Puang Yesu tontong saelakona

Penutup

Demikianlah beberapa Kumpulan Lirik Lagu Rohani Toraja Terbaru, semoga dapat bermanfaat untuk anda. Sekian dan terima kasih.

Tinggalkan Balasan

Alamat email Anda tidak akan dipublikasikan. Ruas yang wajib ditandai *