Indonesia Terpercaya – Toraja merupkan salah satu wilayah dimana penduduknya mayoritas beragama Kristen. Sering kali ketika mengikuti ibadah-ibdah di kalangan orang Toraja, mereka sering melontarkan pernyataan bahwa mereka lebih senang mendengarkan seorang pendeta berkhotbah dalam bahasa daerah khususnya dalam bahasa Toraja.

Oleh karena itu, pada kesempatan kali ini saya akan memberikan beberapa kumpulan khotbah dalam bahasa Toraja yang bisa anda pedomani dalam memimpin ibadah baik itu ibadah pengucapan syukur, ibadah kedukaan, ibadah hari minggu dan lain sebagainya.

Khotbah Bahasa Toraja

Tema: Tuo Lan Kamarean

Pa’basan: Matius 24:37-44

Misa’ kara-kara menggaronto’ tu napamata’tak Puang Yesu lan pangngadaranna iamotu tuo lan kamarean sia majaga-jaga. Katuoanna simisa’-misa’ to sarani iamo katuoan tu tontong sadia sia marea la sitammu Puang Yesu tu la sae sule sola kamala’biranNa. Puang Yesu undullu sulei tu kara-kara lendu’ mendadi tanda sia pellesean lan attu to temo, denupa na iatu tang melona tae’ na tolei unruai tu to sarani.

Nadullu Puang Yesu tu a’gan katuoann tonna attunna Nuh tumba budanna tu kakadakean na pogau tau, megi’giran dio oloNa Puang Matua naurunganni diukung uai saba’. Apa iatu Nuh sola mintu’ anakna narondong sia napasalama’ Puang, belanna ma’patongan sia ungkaritutui parenta Na Puang. Susi dukamo to keallo karampoanNa Puang Yesu sule ma’ penduan. Allo iato lamendadi allo kamapa’ diran sia metakuran lako to unturu bang pa’poraianna, apa lako to ma’patongan sia to unturu lalan pa’poraianNa Puang Matua, mendadi allo keparannuan.

Lan allo karampoanna Anakna Puasng Matua ma’penduan, la napasisarak tu tau mui to misa’ lan pengkarangan sia to sipoanak. Paralluki” tontong tuo marea sia matangkin, belanna karampoan anakna Puang Matua la sae lan attu tang dikapang-kapang butung to toboko rampo lan dilino, iamoto lendu’ tongan parallunna tu kita mintu’ to sarani ondongpi kita torroan indo’, marea sia matangkin untayanni tu kasaeanna sule anak rampan dilino, Puang sia Jurusalama’.

Pekutana la ta sipa’kada-kadai:

  • lake pahangta, apa tu disanga ktuoan marea, natuntun Puang Yesu lako kaleta?
  • Apa sia tu a’gan katuoan marea, tu na tuntun Puang Yesu lako kaleta?

Tema: Malemi tu Maria Umpa’peissananni Kumua Natiromo tu Puang

Pa’Basan: Yohanes 20:11-18

Matumbari nadikua: iatu to ma’ patongan lako Puang Yesu, tu mangkamo malimbangun, tau iamo te la unnappa’ katuoan ba’ru? la anta sipa’kadai lan kelompok PA lan kombongan, biasa dibisara tu diona kombongan ba’ru. Apara battuananna tuu katuoan ba’ru? Sia apara sisengaranna katuoan dolo? Maleso lanmai Sura’ MadatunNa Puang, kumua minda-minda tu tuo lan kapatonganan lantuk lako Puang Yesu, tau iato la payan lan katuoanna tu penggauran Susite, iamot: pa’ kaboro’, kaparannuan, kamarampasan, pesuka kalando, kamasokanan, kameloan, kamarurusan, sorong inaa, untaloi kale.

Maleso di basal an Galatia 5 : 22-23. Mintu’na te napogau’ Puang sia to umpakala’bi’ sanganNa. Apa iatu to tuo lan katuoan dolo payan lan tengka ke’de’na tu kamabirisan, kakadakean, kamare’dekan, tuo misa, kamagallian sia mangngulang leko’, iamote tu to tang umpakala’bi’ Puang Matua, umpamadao penaanna sia ussanga bang kalena. (Galatia 5:20, 21)

Lan te attu tanii umpengkilalai allo kamalimbangunanNa Puang Yesu, ta kanappai’ mo tu katuoan ba’ru naparandananki’ Puang. iamo tu kasalamaran matontongan susitu nats ta basa nina’, “Malemi tu Maria umpa’ peissananni kumua na tiromo tu Puang (ay. (ay. 18). late kareba iate napokada Maria Magdalena misa’ kapangakuan lantuk, belanna Puang Yesu kalenamo tu sae umpa’ kadai tonna marassan tumangi dio to’ kaburu’Na Puang Yesu.

Na kua tu Puang Yesu “E, indo ma’apari mu tumangi mindara tu mu daka’? (Yoh. 20:15). Na pokada dukami Yesu tu sanganNa, anna tambai: e, Maria! Attu iato natandai Maria tu gamaranNa Puang Yesu, anna simpolo mebali nakua: O, Puangku, o Puangku. Inde te nani payan kumua lan kamasussanna Maria untangi’l te diona kamateanNa Puang Yesu na sae tu Puang Yesu umpa’pekitanan kaleNa anna pa’kadai tu Maria kumua tuomo tu Puang Yesus, malimbangunmo untaloi kamatean.

Totemo te masiangmo tama tangnga’na Maria kumua, penggauran kapua dadimo lan alla’na anak gurunNa sia lako mintu’ to ma’patongan. Belanna mangkamo tu Puang Yesu untaloi kamatean, umpapayan kaleNa sia gamaranNa untambai tu Maria situru’ sanganna.

Siulu’ sola nasang lan Puang Yesu…

Totemo lan katuoanna Maria, bu’tu tu misa’ kapangakuan lantuk, kumua mangkamo sitiro linda Puang Yesu, puramo siduppa Puang Pela’bak. latu passanan tengkona Maria to temo iamotu lamale umpa’pekarebanni tu diona kareba kaparannuan kumua malimbangunmo tu Puang Yesu, mangka untaloi kamatean.

Siulu’ sola nasang lan Puang Yesus. Tae’na Maria manna sia anak gurunNa tu lamale umpessa’bianni tu kareba kaparannuan sangadinna lako duka kita sola nasang lasangke’ deranki’ umpatale’l tu sukaran alukNa Puang Matua lan katuoanta keallo-keallo. Misa’ kara-kara di tuntun lako kita tae’ tala ka’tu rannu sia ranggang lan kapatonganan, sangadinna la bendan matoto’ki umpoparannu kamalimbangunNa Puang Yesu mendadi pela’bakna mintu’ torro to lino.

Takanassaimi te e siulu’ anta pa’pekarebanni sia ta pakaleleanni lan katuoanta tu Puang Yesu malimbangun untaloi kamatean. la dukamo Puang umpamatoto’ki’ sisola kuasa Penaa Masallo’Na. Haleluya! Amin!

Tema: Penggauranna Puang Matua lan Attu Lendu’

Pa’basan: Pa’pudian 77:1-21

Pa’ pudian 77 tu ta basa sia tanannung lan attu iate umpamalesoi lako kita sola nasang tumba a’ganna tu misa’ tau tu marassan lan kamaparrisan, sia kapussakan na tontong meongli’ langan Puang Matua, unnannung mandalanni tu penggauranNa Puang Matua lan attu lendu’ sia a’gan katuoan pura na boko’i. latu to ma’ pudi lan te pa’pudian 77 tae’ napokadai tu misa’ kasanggangan sia bala’, susinna saki, kamatean, karugian sia kamasussan tu naperasai.

Apa mata’tak sia maserc napokada lan te pa’pudian iate tu kapussakanna Asaf na lan a’gan susito tontong undaka Puang sia tang mekata’ ka’ ke bongi umpatado pala’na langan Puang sia napelalan kumman penaanna kumua la na tampe tarru’mo raka Puang sia tang la mekaturu-turuimo? Tae’ tarru’moraka tu kamasokananNa. Meongli’ tu Asaf langan Puang umpatado pala’na umpalaku pa’pakatana apa butung to tae’bang napebayangi tu pa’kamaseanNa Puang lan katuoanna.

Lan aya’ 4 – 6 nakua: la angku kilalai tu Puang Matua urrantangmo’ sarro; la angku ma’pasibuyu’-buyu’, rossomi tu penaangku. Kamumo tang umpasidullikna bulu mata, mangla’na’ sia tang tiku’bi’na’. Kukilalaimi tu attu mangka diboko’, sia mintu’ taun malaunmo. Sia ta’ka’ lan penaanku tu sengo pa’ pudi-pudiangku ke bongi, ma’pasibuyu’-buyu’mo’ lan ba’tengku sia napelalan kumman penaangku, kumua: Ma’apai anna la metamape tarru tu Puang. sia tang la mekaturu turuimo? Tae’ tarru’moraka tu kamasokananNa, sia sipapa’ bang raka ka’tu tu pangallu’Na? Tang Nakilalaimoraka Puang Matua tu kamaturu-turuanNa, sia Natampunmoraka tu mamaseNa diona sengkeNa?

latu to ma’ pudi indete rosso belanna iatu penggauran lima kananNa Topatodoranna lelukmo. Pekutana-pekutana iate tu napokada te to ma’pudi tae’na pekutana belanna bimbangsia tae’mo napatonganni tu Puang Matua sangandinna misa’ cara ba’tu lalan la nanii tontong untangnga’i sia ungkanassai kumua iatu kamarampasan, pa’kaboro, kamarurusan, dandi sia pa’kamaseanNa Puang Matua tang leluk sae lakona.

Lan aya’ 12-21 iatu ma’pudi indete tu lumbang tuara unnannung mandalanni tu penggauranNa Puang Matu lan attu lendu’, sule dipakatana sia matoto’ rannunna ungkabangnga’ penggauran kalle-kalleanNa Puang Matua tu kapua sia masero lako mintu’ bangsa lan te lino ullendu’i tu to napilei napake susinna Musa sia Harun.

latu pa’nannungna taunNa Puang lan te pa’pudian iate unnanung mandalanni tu kamasussan dio kalena sia mintu a’gan umparossoi tae’ assele’na lako kalena sia tae’ gai’na belanna butung to mambela pissan tu Puang dio mai kalena. Apa ia tonna sule mengkilala, na saile sulei tu pa’kamaseanNa Puang Matua sia penggauranNa lan tangnga- tangngana mintu’ bangsa sia lino iate la’bi-la’bi lako taunNa, ma’ tanmi tu penaanna sia nakatottongi, napatongan kumua iatu Puang tu na patongan masero tu lalanna sia tae’ tu Puang napada tandean (aya’ 14).

Lan attu iate untingayo katuoanta lan te taun ba’ru, maikomi tanannung mandalanni tu pa’kamaseanNa Puang mangka urrondongki’ lan taun lendu’ moi na lan allo pura diboko buda tu kara-kara mabanda rampo lan katuoanta, Sisonda situka’ kamapa’ diran, na kamasannangan, kamasussan na kaparannuan apa sielle’ki’ ma’kurre sumanga’, pato’ ma’pole paraya belanna kuasa mamaseNa Puang undaoanni mintu magasana lan katuoanta na urunganni diona pa’tunduan sia kuasanNa sola pa’kaboro’ tang dilambi’na ta ma’din omo Naanta marampa’ mentengka sia tuo lan te taun ba’ru.

Maimokomi ta tontong mentingara umpatado pala mabusanta mangando langan olona dennoupa’ na iatu kuasa sia mamaseNa tontong unnonganniki’ sia la la urrenden marampa’ki’ lako lalanpa’poraianNa umpatarru’ katuoanta lan te attu la tatingayo lako tu tontong mendadi sahasia lako kaleta. Apa lan lan pa’kaboro’Na Puang Matua tu mangka napapayan lan Puang Yesu la umpamatoto rannunta tuo ma’ patu’tun sia ussorong mintu’ a’gan katuoanta lako Puang Matua. Denupa’ na tontong umpasaruranniki’ rongko’ sia kamauparan lan te kulla’ la la tangingayo lako. Amin!

Khotbah Penghiburan Bahassa Toraja

Tema: Batta’ Ma’rauanan Lako Puang

Pa’basan: Pa’pudian 31:1-25

Siulu’ sola nasang tu nakamasei Puang. latu katuoanta tontong bang natikui-tamna ma’rupa-rupa parri sia kara-kara tu tu mepamabanda’ sia nenne’ tang diissan dibukai. Den tu bu’tu belanna umpogau’ki’ kasalan, apa den duka tu bu’tu belanna umbendananki’ katonganan. Umbai mangngaki’ urrangi kedikuai den tau unnappa’ kamasussan belanna umpogau katonganan ba’tu kameloan, apa yamo to tu mempayan lan katuoanta. A’gan susito ia dukamo dadi lan katuoanna datu Daud, tu napamaleso lan te pa’pudian 31.

Ma’din ta tiro lan aya aya pa’basanta, katonganan apara tu napogau’ datu Daud? Misa’ tu maleso iamo tu lako manna Puang nani ma’rannuan sia sande belanna naakui kumua Puangmo tu kapenombanna (ay. 15). Tontong tu datu Daud mengkaola lako Puang mui na tuo lan tanga-tangana to umpenombai deata sia kuasa-kuasa senga (ay.7). Umbai denpa to tu passabaran senga’ tu na pomabanda’ te to ma’ pudi, naurunganni ma’kada lan ay. 14 nakua: “belanna ku rangimo tu kada boko’na buda tau, -Kamatakuran tiku lao-; Samaturu umpata’ paina’ lima, sia undaka lalan ungka’tu Sunga’ ku”.

Kamasussan sia kamagasan tu natingayo datu Daud belanna sande lako Puang. umpabu’tu kamasussan sia kamagiangan masero lan aya 10 – 11 pa’basanta nakua: “Kamaseina’, o Puang. belanna lanna’ kamagiangan, belanna rosso inaa anna malanmno tu matangku, sia langga’ tu sumanga’ku, sia kaleku. Belanna samandappi-dappi’na sunga’ku napobua’ karossoan, sia rondon bala batu tu taun katuoangku nabobua’ kasumarroan…” Lan a’gan karossoan sia kamagiangan susito na rampo metamba lako Puang. (ay. 16 – 17).

Napapayan kumua napebali Puang tu pengkamoyana. Napamanassa sia napopempayan Puang tu pa’tunduanna lako datu Daud naurunganni sisola kaparannuan kapua na pakendek pa’pudian langan Puang Matua susi tu ma’din ta basa lan aya’ 22 nakua: “Mintu’na kadipudian lu lako Puang, belanna Napakitammo pa’kamasean kale-kallean, lan tondok ditambakuku”. Umpenggaronto’l pa’tunduan iato naurunganni te to ma’pudi untambai sia unnada’l mintu tau la sande’ sia tontong ma’rannuan lako Puang.

Batta ma’rannuan lako Puang battuananna lan mintu’ kara-kara magasa ta tingayo latontongki’ sa’bara’ sia mengkabatta’ untayan pa’tunduanNa Puang. late a’gan katuoan pura naolai datu Daud iamo a’gan katuoan kapatongananna to ussorong katuaoanna lako Puang. Datu Daud unnadai’ to marassan untungayo ma’rupa-rupa parri’, sia magasanna katuoan kumua na tontong ma’passare lako Puang, untayan kaboro’ mamaseNa Puang Matua.

Ullendu’l kasa’bianna datu Daud lanmai te pa’basanta diada’iki umpabatta sia umpakalebu tallang penaanta untayan pa’tunduanNa Puang moi ta lan kamasussan. Naada’iki’ te kadanNa Puang la tontong battang lan kapatonganan, ma’rannuan lako Puang. la tu apa napapayan Puang lako datu Daud mendadi tanda mamasena kumua sumpu mamase sia liuu kaboro tu Puang sadia untundui tu to umpa’patu’tunni.

Pa’kaboro’Na Puang mangka na sundunni lan Puang Yesu. Na minda-minda tu umpatonganni tae’nala sanggang. sangadinna launnappa’ katuoan saelakona. lamo to nalan 1 Kor. 15:58 nakua rasul Paulus: “lamo to, e kamu siulu’ pa kaboro’ku, batta’komi da naleluk penaanmi, sia bassa’komi umpengkali-kalii mengkarang lan pengkaranganNa Puang. belanna missan kumua latu kamara’ tasammi tae’ nala torro sala lan Puang”.

Siulu’ tu dikamasei lan Puang Yesu,

Lan Puang latu katuoanta la totemo, na la masiang sia lante kulla’ ditingayo lako, issanna nasang ia Puang. lamo to, maikomi ta tontong sande’ lako Puang belanna salian dio mai pa’tunduanNa, tae ta kullei unnoton apa-apa. Maikomi ta ta tontong ma’passare lako kaleNa na denoupa’ na Penaa Masallo tontong umbengki kabattaran lan kapatonganan mengkaola lako Puang. Denoupa’ ta poupa’, paraya ta poparaya anta masakke mairi’ marudindin sola nasang Nataranak Puang. Haleluyal Amin!

Penutup

Demikianlah beberapa Khotbah Bahasa Toraja yang bisa anda pedomani dan bawakan dalam memimpin ibadah-ibadah baik itu ibadah di gereja maupun ibadah-ibadah insidentil. Semoga dapat bermanfaat, sekian dan terima kasih.


Tofan

Prinsip Hidup: Cogito Ergo Sum (Aku Berfikir Maka Aku Ada), Namun berfikir saja tidak cukup, Apa yang harus saya lakukan agar " Menjadi Ada". Jawabannya adalah Berkarya (Aku Berkarya Maka Aku Ada).